Showing posts with label ಕವನಗಳು.. Show all posts
Showing posts with label ಕವನಗಳು.. Show all posts

Tuesday, April 26, 2016

ಸಂಗ ದೋಷ

ಜಗವೇ ನಶ್ವರ ಕಪಟ ಮೋಸವಂತೆ,
ಎಲ್ಲೆಲ್ಲೂ ಬರೀ ದುರ್ಜನರ ಸಹವಾಸ,
ನಮ್ಮ ಮೇಘರಾಜನದೂ ಅದೇ ಕಥೆ...
ನೀರಾ ಕುಡುಕ ರವಿಯ ಸೇರಿ
ದಾಸನಾಗಿ ಬಿಟ್ಟನ...
ಮನೆ ಮಾನ ತೆಗೆದನ...
ಇವನಿಗೆ ಹೇಳುವವರಿಲ್ಲ,
ಚಂದ್ರ ರಾತ್ರಿ ಸಂಚಾರಿ,
ಪರ್ವತರಾಜ ಮುದುಕನಾದ,
ವಾಯುವಿಗೆ ನಿಶ್ಯಕ್ತಿ...
ಪ್ರಕೃತಿಯ ಮಾತನ್ನು ಕೇಳಲ್ಲ
ಹಾಗೂ ಹೀಗೂ ಧರಿತ್ರಿ ಬೀದಿಗೆ ಬಂದಳು...!!!
ಭೂಮಿ ಕುಡುಕನ ಮನೆವಾಯಿತು.

Saturday, April 23, 2016

ಪ್ರೀತಿ

ಭೂಮಿಕಳನ್ನು,
ಕಾಯಿಸಿ,
ಗೋಗರಿಸಿ,
ತೊರೆದು,
ನಡುಗಿಸಿ,
ಗುಡುಗಿ,
ಆರ್ಭಟಿಸಿ,
ಆಲಾಪಿಸಿ,
ಪ್ರಲಾಪಿಸಿ,
ಮೌನವಾಗಿ,
ಹನಿಹನಿಯಾಗಿ,
ಧಾರೆಯಾಗಿ,
ಮುನಿದೋ,
ಒಲಿದೋ,
ಮುದ್ದಿಸಿ,
ಮೀಯಿಸುತ್ತಾನೆ
ಈ ಮೇಘರಾಜ....!!

Thursday, March 31, 2016

ಬಾ ಮಳೆಯೇ ಬಾ...

ಬಸಿರೆಲೆ ಸಿಡಿದು 
ಹಳದಿಯಾದ ಅಡಿಕೆ ಮರ ,
ಹೂ ಬಿಟ್ಟು ತಾಯಿಯಾಗದ 
ಮಾವಿನ ಮರ, 
ಏದುಸಿರು ಚೆಲ್ಲಿ ತೇಲುವ
ತೋಡಿನ ಸರು ಮೀನು,
ಪೊರೆ ಕಳಚಿ ನಗ್ನವಾದರೂ
ಸೆಕೆ ತಾಳದ ನಾಗರಹಾವು,
ಬೆವರಿದ ಬೆಂಡದ
ಪಾರಿವಾಳದ ಟೊಳ್ಳು ರೆಕ್ಕೆಗಳು,
ಜೊತೆಗೆ
ಸಿರಿ-ಮುಡಿ ಕಳಚಿ,
ಬೆಂಡೋಲೆ ಕಿವಿಯ ಹರಿಸಿಕೊಂಡು ಭೂಮಿಕಾ,
ಮತ್ತೆ ಮತ್ತೆ ಕಾಯುತ್ತಿದ್ದಾಳೆ,
ಕಾದು ಕಾದು ಅವಿಯಾಗುತ್ತಿದ್ದಾಳೆ,
ಯಾವಾಗ?
ಮೇಘರಾಜ ಮಳೆಯ ಹೊತ್ತು ತರುವನೆಂದು ....!!!!!

Sunday, January 11, 2015

ಕಾಮನಬಿಲ್ಲು .

ರವಿ
ತಾಪದ
ಕೋಪದಿಂದ
ಮಳೆರಾಯನಿಗೆ
ದಂಡ
ಪ್ರಯೋಗ
ಬೆದರಿ ಅಳುತಿದ್ದಾನೆ...
ಇಳೆಕೊಳ ತುಂಬಾ
ಅಶ್ರುಧಾರೆ...
ಅಚ್ಚಾಗಿದೆ ನೋಡಿ
ಬಾನಿನ
ಮೈಮೇಲೆ
ಬಾಸುಂಡೆ
ಗೆರೆಗಳು...



Thursday, January 1, 2015

ಗೆಳತಿ

ಗೆಳತಿ ,
ಹೆಣ್ಣೆಂದರೆ
ಬರೀ ಹೆಣ್ಣು ನೀನಲ್ಲ ,
ನಿನ್ನೊಳಗೆ ನೀನೇ ಎಲ್ಲ
ಎಲ್ಲವನ್ನು ಹೀರಿ ಅರಗಿಸಿಕೊಂಡಿದ್ದಿಯಲ್ಲ
ನನ್ನೊಳಗೂ ಹೊಕ್ಕಿದಿಯಲ್ಲ
ಗಂಡೆದೆಯ ಗುಂಡಿಗೆಯ ಹೂವಾಗಿಸಿದೆಯಲ್ಲ,
ನಾ ಅರುಣೋದಯ ವರ್ಣದ 
ಗುಲಾಬಿ ಕೊಟ್ಟೆನಲ್ಲ
ಅದೇ ಬಣ್ಣದ
ಹೃದಯ ಕದ್ದೆನಲ್ಲ..
ಈಗ ನಾನೇ ನಿನ್ನ ನಲ್ಲ...
ಜೊತೆಗೆ ಬಾ,
ಕೊಡಿಸುವೇ
ಹಿಮಕೆನೆಯ ಬೆಲ್ಲ !!

ನನ್ನ ಹಾಡು ...

ಹಾದಿ ಬೀದಿ ಕರೆದು ಬಳಸಿ 
ಕಾಡಿ ಬೇಡಿ ಜೀವ ಸವೆಸಿ 
ಮಾಗಿ ಹೋಗಿ ಬಾಗಿ ಬಲಿತ 
ಬದುಕ ಕಡೆದು ಪಡೆದ
ನನ್ನ ಹಾಡಿದು I I
ನಾಡಿ ಮಿಡಿತ ಕುಣಿಯಬೇಕು
ಹೂವ ಮೊಗ್ಗು ಅರಳಬೇಕು
ಬೋಳು ಮರವೂ ಚಿಗುರಬೇಕು
ಕೆಂಡ ಬೆಂಕಿ ನಂದಬೇಕು
ಬೆಂದ ಕಾಳು ಮೊಳೆಯಬೇಕು
ನೊಂದ ಮನವು ಬೆಳಗಬೇಕು
ಬಂಜೆ ಹಕ್ಕಿ ಕಾವುಕೊಡಬೇಕು
ಮರೆತ ಸ್ಮೃತಿಗೆ
ನೆನಪ ಬರಿಸಿ
ನಾನು ನೀನು ಬೇದ ಮರೆತು
ಬಾನು ಪೃಥ್ವಿ ಹಿಗ್ಗಬೇಕು
ನನ್ನ ಹಾಡ ಕೇಳಿ
ಜಗವೇ ನಗಬೇಕು ...

Tuesday, December 23, 2014

ಅಮಾವಾಸ್ಯೆ ..!!

ಕೊಳದಲ್ಲಿ
ಹಂಸ
ಚಂದಿರನೊಂದಿಗೆ
ಚಿಣ್ಣಾಟವಾಡುತಿದೆ...
ಪುಟ್ಟ ಅಲೆಗೆ ಸಿಲುಕಿದ
ಚಂದಿರ ಚೂರು ಚೂರು
ಗಲಿಬಿಲಿಗೊಂಡು
ಹಂಸ
ಬೆಳ್ಳಿಯ
ಬಟ್ಟಲ ತುಂಡೆಂದು
ಹಸಿವಿನಿಂದ
ಹೆಕ್ಕಿ ತಿಂದಿತ್ತು...
ಕಾಯುತಿದೆ
ಮತ್ತೆ ಮುಂದಿನ
ಮುಸ್ಸಂಜೆಗೆ...
ಶಶಿ
ಬರಲೇ
ಇಲ್ಲ ...!
ನಿನ್ನೆಯ
ನೆನೆದು
ಹಂಸ
ಬಿಕ್ಕಿತ್ತು..!!


Sunday, December 21, 2014

ಬೆಳಕ ತೋರೋ ಹರಿಯೇ...



ಜಗದ ಡೊಂಕ ಕಳೆಯಲು
ಬಾಗಿಲೆಲ್ಲಿದೆ ಗೋಲಕೆ..?
ತೋರೋ ಹರಿಯೇ, ಮನದ ಗೋಡೆಗೆ,
ತಿಮಿರದ ಬಾಗಿಲ...
ಹೃದಯ ಕವಾಟವ ತೆರೆದು,
ಮಲಿನ ಜೀವ-ಜಲವ ಶುದ್ಧಿ ಸಿದ್ಧಿಸಿದಂತೆ,
ಮಾಡೋ ಹರಿಯೇ, ನನ್ನ ಮನದ ಜೀವವಾಯುವ.
ಪಾಪ-ಪುಣ್ಯಗಳ ಭ್ರಾಂತಿ
ಜನನ ಮರಣದ ವರ್ತುಲಗಳ ಭೀತಿ.
ತೋರೋ ಹರಿಯೇ, ಪರಿಪೂರ್ಣ ಛಾಪು ಈ ಜೀನಕೆ
ಶಾಂತಿಯ ಕಾನನದಲ್ಲಿ ಕಾಣದ ಆತ್ಮನ ಬಾಣ,
ಅವಿರ್ಭಾವ ಅವಭೃಥ ಅಮೃತದ ಸ್ನಾನ.
ಮಾಡೋ ಹರಿಯೇ, ಇವನ್ನೇ ಕುಡಿಸಿ ಜಾಣರ ಜಾಣ
ಹಸಿರು ಮರದಲ್ಲಿ ಐಕ್ಯವಾಗಿ ಬಾಳುವುದು ಬೆಂಕಿ
ಸಖ್ಯದಿಂದಲೇ ಮಾಡುವುದುಬೂದಿ, ಕುದಿಯುವುದು ಮನ,
ಆರಿಸೋ ಹರಿಯೇ ಮನದ ಮಾನಕಷಾಯದ ಬೆಂಕಿಯ.
ಸಂಕಟದ ಬುತ್ತಿಯ ತುಂಬ ಅಗುಳು ಸುಡುವುದು,
ಹೃದಯ ಗೋಡೆಯ ಮೇಲೆ ಅದು ಉಷ್ಣ ಬಿಡುವುದು
ತೋರೋ ಹರಿಯೇ ಸ್ಪಷ್ಟ ದೃಷ್ಠಿಯ ಸೃಷ್ಠಿಯ ಹಾದಿಯ...
ಒಡೆದ ಸಂದಿನಿಂದ ಬಳಿತ ಬೆಳಕು
ಕೋಣೆಯ ಕತ್ತಲ ಮಿಟುವುದು.
ತೋರೋ, ಹರಿಯೇ ಕತ್ತಲ ಭಾವಕೆ ದೀಪದ ಬಿಂಬವ
ವಿಕಾರವ ಕಡೆದು ವಿಕಾಸವ ಹಡೆದು
ತಾ ಹರಿಯೇ ಅಂತರಂಗದ ಅರ್ಮೂತಕೆ ಬೆಳಕ....

Wednesday, December 10, 2014

ಕಳ್ಳ ರವಿ ಲೈನ್ ಹೊಡೆಯೋದು ..!!!

ಮುಂಜಾವದ 
ಮಂಜನ್ನು 
ಕಂಡು
ಇವಳೇ
ನನ್ನ
ಬೆಳದಿಂಗಳಬಾಲೆಯೆಂದು
ರವಿ
ಭೂಮಿಕಾಳಿಗೆ
ಕಿರಣಗಳ
ಸ್ಪರ್ಶದಿಂದ
ಕಣ್ಣು
ಹೊಡೆಯುತಿದ್ದಾನೆ ...

ಎಳೆ ಬಿಸಿಲು.

ಎಲ್ಲೋ 
ಕನಸುಗಳೊಂದಿಗೆ 
ಮೇಯಲು 
ಹೋಗಿದ್ದ
ನನ್ನ
ರವಿಕಿರಣ
ವಾಸ್ತವದ
ಹಟ್ಟಿಗೆ
ಓಡಿಸಿಕೊಂಡು
ಬಂದ ... !!

ಕಂಬಳಿ ...!!

ಮಾಗಿಯ 
ನಡುಗುವ 
ಚಳಿಯಲ್ಲೂ 
ನಿನ್ನ
ನೆನಪುಗಳೇ
ಬೆಚ್ಚನೆಯ
ಕಂಬಳಿ...

ಅಕ್ಷರ...

 ಕನ್ನಡವ ಟಂಕಿಸಿದರೆ 
ಅದು 
ಮುದ್ದು ಮುದ್ದು 
ಗುಂಡಗೆ - ದುಂಡಗೆ
ಲಡ್ಡು ಉಂಡೆಯಂತೆ.
ಅದೇ ನಾನು ಬರೆದರೆ
ಸತ್ಯನಾರಾಯಣ ಪೂಜೆಯ
ಮುದ್ದೆಯಂತೆ... !!

Thursday, December 4, 2014

ಬೆಳಕ ತೋರೋ ಹರಿಯೇ...

ಜಗದ ಡೊಂಕ ಕಳೆಯಲು
ಬಾಗಿಲೆಲ್ಲಿದೆ ಗೋಲಕೆ..?
ತೋರೋ ಹರಿಯೇ, ಮನದ ಗೋಡೆಗೆ,
ತಿಮಿರದ ಬಾಗಿಲ...
ಹೃದಯ ಕವಾಟವ ತೆರೆದು,
ಮಲಿನ ಜೀವ-ಜಲವ ಶುದ್ಧಿ ಸಿದ್ಧಿಸಿದಂತೆ,
ಮಾಡೋ ಹರಿಯೇ, ನನ್ನ ಮನದ ಜೀವವಾಯುವ.
ಪಾಪ-ಪುಣ್ಯಗಳ ಭ್ರಾಂತಿ
ಜನನ ಮರಣದ ವರ್ತುಲಗಳ ಭೀತಿ.
ತೋರೋ ಹರಿಯೇ, ಪರಿಪೂರ್ಣ ಛಾಪು ಈ ಜೀನಕೆ
ಶಾಂತಿಯ ಕಾನನದಲ್ಲಿ ಕಾಣದ ಆತ್ಮನ ಬಾಣ,
ಅವಿರ್ಭಾವ ಅವಭೃಥ ಅಮೃತದ ಸ್ನಾನ.
ಮಾಡೋ ಹರಿಯೇ, ಇವನ್ನೇ ಕುಡಿಸಿ ಜಾಣರ ಜಾಣ
ಹಸಿರು ಮರದಲ್ಲಿ ಐಕ್ಯವಾಗಿ ಬಾಳುವುದು ಬೆಂಕಿ
ಸಖ್ಯದಿಂದಲೇ ಮಾಡುವುದುಬೂದಿ ಕುದಿಯುವುದು ಮನ,
ಆರಿಸೋ ಹರಿಯೇ ಮನದ ಮಾನಕಷಾಯದ ಬೆಂಕಿಯ...
ಸಂಕಟದ ಬುತ್ತಿಯ ತುಂಬ ಅಗುಳು ಸುಡುವುದು,
ಹೃದಯ ಗೋಡೆಯ ಮೇಲೆ ಅದು ಉಷ್ಣ ಬಿಡುವುದು
ತೋರೋ ಹರಿಯೇ ಸ್ಪಷ್ಟ ದೃಷ್ಠಿಯ ಸೃಷ್ಠಿಯ ಹಾದಿಯ...
ಒಡೆದ ಸಂದಿನಿಂದ ಬಳಿತ ಬೆಳಕು
ಕೋಣೆಯ ಕತ್ತಲ ಮಿಟುವುದು.
ತೋರೋ, ಹರಿಯೇ ಕತ್ತಲ ಭಾವಕೆ ದೀಪದ ಬಿಂಬವ
ವಿಕಾರವ ಕಡೆದು ವಿಕಾಸವ ಹಡೆದು
ತಾ ಹರಿಯೇ ಅಂತರಂಗದ ಅರ್ಮೂತಕೆ ಬೆಳಕ....


- ಭರತೇಶ ಆಲಸಂಡೆಮಜಲು


ಹೃದಯ...



ಪುಪ್ಪಸಕ್ಕೆ, ಹಸಿರ ಜೀವವ ತುಂಬುತ್ತಾ,
ಸೋಡಾರಿನಂತೆ ಅಲ್ಲಾಡುವ ಉಸಿರಬತ್ತಿಯನ್ನು,
ಅನಾಯಸವಾಗಿ ಚೇತನದಿಂದ, ಜಡದವರೆಗೆ ಚಾಲಿಸಿ
ಶುಷ್ಕಕವಾಟಗಳಲ್ಲಿ ಶಾಂತಿ ತುಂಬಿದರೆ
ತಂಪು ಶೈತ್ಯಾಗಾರ, ಪಾಪವ ತುಂಬಿದರೆ ಸುಡುಬಿಸಿಲು.
ಗಾಜಿನ ಪಾರದರ್ಶಕತೆಗೆ ತಿಮಿರವೂ ಎದೆಯಲ್ಲೇ
ಬೇಯುತ್ತಾ, ಅಂತರಾಳದ ಕೆಚ್ಚಿ ಕಿಚ್ಚು ಬಿಚ್ಚು
ನುಡಿಗಳು, ದ್ವಂದ್ವ ವಿಚಾರಣೆಯಿಂದ ಜೀವ-ಜಲ
ಪಡೆಯುವುದು ವೇಗೋತ್ಕರ್ಷ, ಹೊಗಳಿಕೆಯ ತೀಟೆಗೆ
ಹಷೋತ್ಕರ್ಷ, ಬೆಚ್ಚಗಿನ ಉಷ್ಣಕ್ಕೆ ಆತ್ಮನ
ಆಮೂರ್ತವಾಗಿ ಆವಿರ್ಭಾವದಿಂದ ಪ್ರಕಾಶಿಸಿದರೆ,
ಪುಣ್ಯವಂತ, ಇಲ್ಲದೇ ಇದ್ದರೆ ತಾಪದ ಪಾಪಿಯೆಂಬ ಕಡಗೋಲು...!
ಮನದಾಳದ ಸೃಷ್ಠಿಯ ದೃಷ್ಠಿಗೆ ಕಣ್ಣಾಗಿ,
ಕುರುಡು ವಿಘ್ನಗಳ ಓಡಿಸಿ, ಜಾಗ್ರತೆಯ
ಪರಿಧಿಯಲ್ಲಿ ಜತನದಿಂದ ಮಿಥ್ಯಗಳ
ಸುಡುತ್ತಾ, ಮತ್ತೆ ಸುಟ್ಟ ಬೂದಿಯಲ್ಲಿ
ಹೂವ ಅರಳಿಸಿ ನೆನೆದವರ ಮನಸ್ಸನ
ಹೂವಾಗಿಸಿ ಕನಸ ಬಂಗಾರವಾಗಿಸಿ,
ಪ್ರೀತಿ-ಪ್ರೇಮಗಳ ಗಂಭೀರ ಚಿಂತನೆಗೆ
ಎದೆಯ ರಕ್ತದ ಮುದ್ದೆಯಿಂದ ಚಿಲುಮೆ ಚಿಮ್ಮಿಸಿ,
ಆ ನೆತ್ತರ ಕಣಗಳಲ್ಲಿ ಹುದುಗಿರುವ
ಮಾನಕಷಾಯದ ನಿವೃತಿಯು ಮೇಣದಂತೆ
ಉರಿದು ಕರಗಿ, ಭಾವಕುಸುಮವ ಬೀರುತ್ತಾ
ಪರಮಾತ್ಮನ ಮಂದಿರಕ್ಕೆ ಸತ್ಯದ ಸಾರ್ಥಕತೆಯ
ಸತ್ಕಾರದ ಸಾಕ್ಷಾತ್ಕಾರ ರುಜುವಾದರೆ
ಆ ಹೃದಯ ಧನ್ಯ.. ಧನ್ಯ......
  - ಭರತೇಶ ಅಲಸಂಡೆಮಜಲು.

ಚಳಿಗಾಲ

                 
ನಾನೆದ್ದಾಗ ಮೂಡಣ ಬೆಳಕಿನ ನೃತ್ಯಕ್ಕೆ,
ಮಂಜಿನ ಗುಂಡಾಗಿ, ಸರ್ರನೆ ಗೋಚರಿಸಿ,
ಝರ್ರನೆ ಕರಗಿ ಹೋದ ಆ ದಿನಕರ,
ಹಿಮಮಣಿಗೆ ಕಾದ ಗುಲಾಬಿ
ಮೆಲ್ಲಗೆ, ಅರಳುತ್ತಾ ನನ್ನ ಹರಸಿತು
ಶುಭವಾಗಲೆಂದು, ಆ ನೀರ ಹನಿ
ನನ್ನ ಬಿಂಬವ ನೋಡಿ ನಕ್ಕಿತು.
ಹನಿಮುತ್ತು ಪೋಣಿಸಿ ಚಿಗುರೆಲೆ
ಮಾಲೆಯಾದರೆ, ಲತೆ-ಬಳ್ಳಿಗಳು ಹೂವ ತುಂಬಿ
ಹೊನ್ನಿನ ಅರಿವೆಯ ಹೊದೆದು,
ಹುಲ್ಲಿನೊದೆಗಳು ನನಗೆ ಕಚಗುಳಿಯ ಮಾಡಿ
ಇಬ್ಬನಿಯ ಜಳಕದ ಪುಳಕಗೊಳಿಸಿದರೆ,
ಯುದ್ಧಕ್ಕೆ ಸಿದ್ಧನಾಗುವಂತೆ ನನ್ನ
ಮೈಯ ರೋಮವೆಲ್ಲ, ಸೆಟೆದು ಜತನದಿಂದ,
ಮುಂದಡಿಯಿಟ್ಟರೆ ಬಾಯಲಿ ಸುರುಳಿ-ಸುರುಳಿ,
ಹಬೆಯ ಸುಳಿಗಳ ಹೊಗೆ.
ಮತ್ತೆ ನಡೆದರೆ ಆಕಾಶಕ್ಕೂ, ಭೂಮಿಗೂ
ಅಂತಃಪಟ ಪರದೆಯ ಮಧುರ ಸಂಬಂಧ
ಬೆಸೆದ ಶ್ವೇತ ಶುಭ್ರ ಆ ಮಂಜು,
ಈ ನನ್ನ ಶರೀರ ತುಂಬಾ ಚಳಿ,
ಒಳಗೆ ಬಿಸಿ ನೆತ್ತರ ಸುಡುಬಿಸಿಲು,
ಆ ಮಾಗಿಯೇ ಹೀಗೆ
ಹೊಂಬಿಸಿಲು, ತುಂತುರು ಮಳೆ
ತಬ್ಬುವ ಚಳಿ ಇವುಗಳೊಳಗಿನ
ಕೂಪದೊಳಗೆ ನಾನು ಬಂಧಿ.......
- ಭರತೇಶ ಆಲಸಂಡೆಮಜಲು

Wednesday, December 3, 2014

ಏನು ಚೆಲುವಿನ ಯೌನವ್ವವೂ...!!


ಏನು,.. ಚೆಲುವಿನ ಯೌವ್ವನವೂ,
ಕಾಡುತಿಹುದು ಅನುದಿನವೂ ಅನುಕ್ಷಣವೂ.
ಮನದ ಮತ್ತಿನ ಮದ್ಧಿನ ಮಂಪರಿನ ವೇದನೆ
ಹೃದಯವೆಂಬ ಗುಡಿಯ ಗಂಧಪ್ರಸಾದದಿಂದ ನಿವೇದನೆ.
ಏನೋ ಹೊಸ ತರವ ಬಯಸುವ ತುಡಿತ,
ಅಲ್ಲೆಲ್ಲೊ, ಅವರಿವರ ನುಡಿಮುತ್ತುಗಳ ಕಡಿತ.
ಸ್ಮೃತಿ ಪಟಲದೊಳಗೆ, ಕಂಚು ಕುಂಚ ಕಲೆಗಾರನ ಚಿತ್ತಾರ,
ಭಾವನೆಯಿಂದ ಕೂಡಿದ ಮೊಗದ ನೆರಿಗೆಯ ಮೂಲಕ ಬಿತ್ತಾರ.
ಕಾಯದೊಳಗನ ಅಂಗ-ಅಂಗದೊಳಗಿನ, ನವ-ನವೀನತೆಯ ನವಿರೇಳುವ ಮಂದಾರ
ಕರ-ಕಾಲುಗಳೆಲೆಲ್ಲೂ ವಿಕೃತಿಯೊಳಗಿನ ವಿನಯದ ವಿದ್ಯುತ್ ಸಂಚಾರ.
ಎದೆಯ ಗೂಡ ವೀಣೆಯ ಮಧುರ ತಂತಿಗಳ ಕಂಪನ,
ನಯನ ಮಂಟಪದಲ್ಲಿ ಅವರಿವರ ಹಗ್ಗ ಜಗ್ಗಾಟದ ನರ್ತನ.
ರೋಮ-ರೋಮಗಳೊಳಗೆ, ಸೈನಿಕ ಪಡೆಯ ಸೆಟೆಯ ಜಲ್ಲನದ ಜತನ.
ಅಸ್ಧಿಮಜ್ಜೆಯ ಅಣು ಕಣಗಳಲ್ಲಿ, ಪಾದರಸದ ಚಲನವಲನ
ಮನದೊಳಗೆ ಮೆಲ್ಲನೆ ಮೆಲ್ಲಗೆ ಮಂಡಿಗೆ ಮೆಲ್ಲುವ ಕಗ್ಗಂಟು,
ಬಾಯಿ ತೆರೆದು ಬಣ್ಣಿಸಲಾಗದ ಭೀಕರ ಬಿಕ್ಕಟ್ಟು...!!!

- ಭರತೇಶ ಆಲಸಂಡೆಮಜಲು

Sunday, November 30, 2014

ವಿರಹ..!!

ಸೂರ್ಯನಾರಾಯಣನಿಗೆ 
ಕುಟುಂಬ ಕಲಹ 
ಸತಿ 
ವಿಚ್ಛೇದನದಿಂದ
ಚಿಂತೆಯ ಸಂತೆಯಲ್ಲಿ
ಏಕಾಂಗಿ ರವಿ
ತಲೆ
ಬೋಳಿಸಿ
ಸಿಟ್ಟಿನಿಂದ
ಕೆಂಪಗೆ
ಮಿನುಗುತಿದ್ದಾನೆ... !

Saturday, November 29, 2014

ಕೃಷ್ಣನ ಕಾಯುತಿದೆ.

ಕೃಷ್ಣನ ಕಾಯುತಿದೆ.
++++++++++++
ಮೊಸರ ಕುಡಿಕೆಗೆ
ಹೋದ 
ಯಜಮಾನನ 
ಕಾಯುತಿದೆ ಮೂಡೆ
ಮನೆಯ
ಇಡ್ಲಿ ಕರದಲ್ಲಿ...
ಕೃಷ್ಣನ
ನವಿಲು ಗರಿಯ ಸಪ್ಪಳವೇ
ವೇಣು ನಾದವೆಂದು ಭ್ರಮಿಸುವ
ರಾಧೆಯಂತೆ...!!!


ಭರತೇಶ ವೈಭವ...

ಭರತೇಶ ವೈಭವ...
++++++++++
ಭೋಗದ 
ಸಾಗರದೊಳಗಿದ್ದು 
ಯೋಗವ ಮಾಡಿ 
ವಿಷಮ
ವಿಷಯ
ವಿಷವ
ಕಡೆದು
ಭವಮುಕ್ತ
ಪಡೆದ
ಋಷಿ....!!!!


ಸತ್ಯ‬ .

‪ಸತ್ಯ‬ .
oooo
ಹೂವು ಹೆಣ್ಣಾದರೆ ತಾನೇ 
ಹಣ್ಣಾಗುವುದು.. 
ಗಂಡು 
ಮುಟ್ಟದೇ
ಹೆಣ್ಣು ಕೊಡುವುದೇ
ಜಗಕೆ ಕಣ್ಣು...!!!!

Greetings from Mangalore: The Cradle of Banking Excellence

Hello from Mangalore! You've probably heard in quizzes that the cradle of banking is nothing but Dakshina Kannada or Mangaluru. Mangalor...